مساء الفل على كل البلوجرية النهاردة اول يوم ليا فى عالم المدونين الخطوة دى كانت مؤجلة لبداية السنة بس غيرت رأىّ حبيت احتفل برأس السنة وعيد ميلادى وانا بالفعل مدونة .
......................................................
ياترى ابدأ بأيه
ايـــــه رأيــــكــــــــــم ؟
مقتطفات من رباعيات عمنا صلاح جاهين
ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!
انا كل يوم أسمع ........ فلان عذبوه
أسرح في بغداد و الجزاير واتوه
ما أعجبش م اللي يطيق بجسمه العذاب
و اعجب من اللي يطيق يعذب أخوه
عجبي !!!
في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!
الدنيا أوده كـــــــــــبيره للانتظار
فيها ابن أدم زيه زي الحـــــــمار
الهم واحد .. و الملل مشــــــترك
و مفيش حمار بيحاول الانتـــــحار
عجبي !!
أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل
عجبي !!!
يا طير يا عالي في الســــــما طظ فيك
ما تفتكرشي ربنا مصطــــــــــــــــف يك
برضـــــــــــك بتاكل دود و للطين تعًًًًودً
تمـــــــــص فيه يا حلو .. و يمص فيك
عجبي !!!
يا عندليب ماتخافش من غنوتك
قول شكوتك و احكي عن بلوتك
الغنوة مش هتموتك إنما
كتم الغنا هو اللى هيموتك
!عجبي
غمض عينيك و امشي بخفة و دلع
الدنيا هي الشابة و انت الجدع
تشوف رشاقة خطوتك تعبدك
لكن انت لو بصيت لرجليك ... تقع
!عجبي
يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
!عجبي
حبيت...لكن حب من غير حنان
وصاحبت كن صُحبه مالهاش أمان
رحت لحكيم واكتر لقيت بلوتي
إن اللي جوّه القلب مش ع اللسان
!عجبي
